پنجاب دے تعلیمی بورڈز اچ پوزیشن ڳھنݨ آلے طلبہ کوں انعام ݙیوݨ دا فیصلہ

لاہور۔15اگست(اے پی پی)پنجاب حکومت صوبے دے تعلیمی بورڈاں اچ پوزیشن ڳھنݨ آلے طلبہ کوں انعام ݙیوݨ دی منظوری ݙتی اے، انہاں طلبہ دے ہک ہک استاد کوں وی انعام ݙتا ویسی۔ لاہور اچ اجلاس دی اڳواݨی کریندے وزیراعلی پنجاب مریم نواز سٹوڈنٹس میرٹ سکالرشپ دی منظوری ݙتی، 25 ہزار طلبہ دے سارے تعلیمی خرچے حکومت پنجاب برداشت کریسی ایں سانڳے صوبے دے 25 ہزار طلبہ دے 4 سالاں دے تعلیمی اخراجات کیتے 100 ارب رکھیے ویسن ڄݙاں جو طالبات کیتے ٹرانسپورٹ پروگرام وی شروع کیتا ویسی، چیف منسٹر ٹرانسپورٹ پروگرام دے تحت پنجاب دے مختلف اضلاع اچ 60 گرلز کالجاں کوں پہلے مرحلے اچ بساں ݙتیاں ویسن۔ اجلاس سارے اضلاع اچ آئی ٹی حب ٻݨاوݨ دی وی منظوری ݙتی- وزیراعلی لیپ ٹاپ سکیم شروع کرݨ کیتے اقدامات دی ہدایت کیتی۔ اجلاس اچ سینئر صوبائی وزیر مریم اورنگزیب، صوبائی وزیر تعلیم رانا سکندر حیات، چیف سیکرٹری زاہد اختر زمان، پرنسپل سیکرٹری ساجد ظفر ڈال اتے سیکرٹری ہائر ایجوکیشن ڈاکٹر فرخ نوید شرکت کیتی۔

مضمون کا ماخذ : resultados loteria Bahia

متعلقہ مضامین