وزیراعظم عمران خان دا بنیادی مقصد انتخابات اچ شفافیت ڳھن آوݨ اتے سیاست اچ مال پاݨی دی ریت مکاوݨ اے، وفاقی وزیر اطلاعات و نشریات سینیٹر شبلی فراز

اسلام آباد۔19فروری(اے پی پی)وفاقی وزیر اطلاعات و نشریات سینیٹر شبلی فراز آکھیے جو وزیراعظم عمران خان دا بنیادی مقصد انتخابات اچ شفافیت ڳھن آوݨ اتے سیاست اچ مال پاݨی دی ریت مکاوݨ اے، پچھلیاں حکومتاں اتے میثاق جمہوریت تے دستخط کرݨ آلے مسلم لیگ ن اتے پیپلز پارٹی اپݨے دور اچ الیکشن اچ شفافیت کیتے کم نئیں کیتا، وصیت تے دستخطاں کوں اہمیت ݙیوݨ آلیاں کوں پتہ ہووݨا چاہیدے جو میثاق جمہوریت تے وی بے نظیر بھٹو دے دستخط ہن، پاکستان دے 22کروڑعوام سمجھ چکین جو الیکشن دا نظام شفاف ہووݨا چاہیدے، ساݙی قانونی بحث وی ایہا اے جو کہیں پارٹی یا الائنس دے نامزد امیدوار کوں ہی سینیٹ دا ممبر منتخب تھیوݨا چاہید۔ اے ڳالھ انہاں سینیٹ الیکشن اوپن بیلٹ تے کراوݨ بارے سماعت دے بعد سپریم کورٹ دے باہرو میڈیا نال الیندے آکھی۔ انہاں آکھیا جو عمران خان ملک اچ بنیادی اصلاحات نال جمہوریت اتے پارلیمنٹ کوں تکڑا کر تے انہاں کوں عوام دا حقیقی ترجمان بݨاوݨ چاہندن، ڄݙاں پارلیمان اچ شفافیت نال ایم پی ایز دے ووٹاں نال چݨیج تے سینیٹرز آسن تاں او ملک اتے صوبے دے مفاد دا کم کریسن۔ سینیٹ الیکشن آئن تاں چارے صوبیاں اچ وکری دیاں منڈیاں لڳ ڳین، اساں ایہو چاہندے ہیں جو پتا ہووے جو کیندے امیدوار کیکوں ووٹ ݙتے کیوں جو مخصوص پارٹی دے امیدوار ہوندن۔ انہاں آکھیے جو ایوان اچ عدم اعتماد اتے سینٹ الیکشن اچ فرق اے، مقصد اے ہے جو اینجھا ماحول بݨے جو ہمیشہ کیتے پیسے دی سیاست مکے۔

مضمون کا ماخذ : números quina hoje

متعلقہ مضامین