ترکی اتے پاکستان یک جان دو قالب ہن، ݙو ملکاں اچ رہندوں پر ہک قوم ہیسے، وزیراعظم شہباز شریف دا ”ٹی آر ٹی” اردو کوں انٹرویو

اسلام آباد۔3جون (اے پی پی) وزیر اعظم محمد شہباز شریف آکھیا جو ترکی اتے پاکستان یک جان دو قالب ہن، ݙو ملکاں اچ رہندوں پر ہک قوم ہیسے۔ صدیاں دے رشتے اچ جڑیے اے تعلقات دنیا اچ ہک منفرد مثال دی حیثیت رکھیندن۔ ݙوہیں ملکاں وچال تجارتی حجم آندے ترائے سالیں اچ پنڄ ارب ڈالر تئیں پڄاوݨ دا ہدف رکھیا ڳئے۔ ترکی دے ترائے ݙینھ دے سرکاری دورے اچ انقرہ اچ ”ٹی آر ٹی” دے ہیڈ آف اردو سروس ڈاکٹر فرقان حمید کوں خصوصی انٹرویو ݙیندیں ہوئیں وزیراعظم آکھیا جو ترکی اتے پاکستان یک جان دو قالب ہن، ݙو ملکاں اچ رہندوں پر ہک قوم ہیسے۔ وزیراعظم شہباز شریف آکھیا جومیں جینویں وزیراعظم پاکستان دی حیثیت نال حلف چاتا تاں ساریاں توں پہلے اوں رات ترکی دے صدر اتے میݙے بھرا، پاکستان دے ٻہوں شفیق اتے گہرے دوست صدر ایردوان ٹیلی فون کر تے میکوں مبارخ ݙتی۔ وزیراعظم آکھیا جو ݙوہیں ملکاں وچال تجارتی حجم آندے ترائے سالیں اچ پنڄ ارب ڈالر تئیں پڄاوݨ دا ہدف رکھیا ڳئے۔ ایں ویلھے ݙوہیں ملکاں وچال تجارتی حجم صرف ہک ارب ݙاہ کروڑ ڈالر اے۔

مضمون کا ماخذ : میان میجک وائلڈ فائر

متعلقہ مضامین