پاکستان دی ترقی اتے خوشحالی کیتے سارے شہری ہک مٹھ ہین، سی ڈی اے اچ کرسمس تقریب

اسلام آباد۔26دسمبر(اے پی پی):وفاقی ترقیاتی ادارہ ( سی ڈی اے ) ولوں آپݨے ملازماں سانگے کرسمس دی تقریب تھئی جیندے اچ ملکی سلامتی، مذہبی ہم آہنگی اتے ٻھرا ٻھرپی کیتے دعا منڳی ڳئی۔ کرسمس دی تقریب اچ سی ڈی اے ملازمین، انہاں دے زال ٻالاں دی وݙی تعداد موجود ہئی۔ تقریب نال خطاب اچ مقررین دا آکھݨ ہئی جو پاکستان دا آئین اقلیتاں دے حقوق دے تحفظ دا ضامن اے، قائداعظم محمد علی جناح آئین ساز اسمبلی نال خطاب اچ واضح کر ݙتا ہا جو پاکستان دی ریاست اچ اقلیتاں آزاد ہین اتے انہاں کوں پورے تے ہکو سویں حقوق حاصل ہین، پاکستان دی ترقی و خوشحالی اچ مسیحی برادری دا اہم کردار اے، مسیحی برادری دی کرسمس دیاں خشیاں اچ انہاں آلی کار سانڄھے رلیے ہیں، اساں سارے پاکستانی ہیں اتے اپݨے ملک پاکستان دی ترقی اتے خوشحالی کیتے ہک مٹھ ہیں۔ تقریب اچ کرسمس دا کیک وی کٹیا ڳیا۔

مضمون کا ماخذ : سٹاربرسٹ

متعلقہ مضامین